Өлкәннәргә игътибар

"Өмет" социаль хезмәт күрсәтү Үзәге шәфкать туташлары барлык яңалыклардан хәбәрдар булсын өчен көнүзәк проблемаларны тикшерүгә багышланган чараларны еш уздырып тора.
Үзәкнең өйләргә барып социаль хезмәт күрсәтү бүлеге хәбәр иткәнчә, күптән түгел биредә өлкәннәр һәм инвалидлар өчен "Хәрәкәттә - бәрәкәт" сәламәтләндерү-профилактик программасы кысаларында шушы темага «түгәрәк өстәл» оештырылды. Бу программаның максаты - үз тәрбиясендәгеләрне актив һәм хәрәкәтчел тормыш рәвешенә җәлеп итү. Пенсионерларны сәламәтләндерү проблемасына комплекслы мөнәсәбәт турындагы лекцияне тыңлап, шәфкать туташлары үзләре өчен бик күп файдалы мәгълүмат ишеттеләр.