Кулланучылар турында кайгыртып

Торак-коммуналь хуҗалык тармагында җәмәгатьчелек контроле Үзәге Биектау районының торак хуҗалары ширкәтендә эшләүчеләр, идарә итүче кампанияләр, йорт советлары рәисләре өчен уку уздырды. Алекс Алимов, Геннадий Сомов, Зоя Куклина һәм Дмитрий Романов торак-коммуналь хуҗалыкка идарә итү өлкәсендәге аеруча кыен проблемаларга тукталдылар. Үз тәҗрибәләреннән күп мисаллар китерделәр, биектаулыларның сорауларына җавап бирделәр. Үз хокукларын белүче кулланучы мәктәбендәге укулар тыңлаучыларда зур кызыксыну уятты. Ресурсларны исәпкә алу, капиталь ремонт, йортта яшәүчеләр җыелышы - Казаннан килгән лекторлар менә шушы һәм башка мәсьәләләрдәге нечкәлекләрне аңлаттылар.