Иң яхшыларны Сабантуйда котлау көтә

Быелгы район Сабантуе 11 нче июньгә билгеләнде.
Бәйрәмнең төп вакыйгасы авыл хуҗалыгы һәм башка тармакларда эшләүче алдынгыларны котлау булачак. Механизаторлар, терлекчеләр, белгечләр һәм Агропром җитәкчеләреннән иң яхшылар акчалата премияләр һәм истәлек тасмалары белән бүләкләнәчәк. Башка һөнәр вәкилләреннән дә алдынгылар игътибарсыз калмаячак.
Сабантуйның йөзек кашы, һәрвакыттагыча, милли көрәш һәм гадәт буенча Усад ипподромында узачак ат ярышлары булыр дип көтелә.
Авыл җирлекләрендә әлеге хезмәт бәйрәме 10 һәм 12 июньдә узачак.