ИҢ ЯХШЫ БОКСЧЫ КЫЗ

Балалар-үсмерләр спорт мәктәбе укучысы Альбина Нәбиуллинаның уңышлы чыгышы безнең өчен менә дигән Яңа ел бүләге булды.
2012 елның 18 - 22 декабрендә Чиләбедә бокс буенча 1995-1996 нчы елларда туган яшь спортчылар арасында уздырылган Халыкара турнирда Альбина беренче урынны яулады һәм турнирның иң яхшы боксчысы дип танылып, махсус призга лаек булды.
Безнең спортчыларны алда бик күп эшләр һәм җитди күнегү-шөгыльләнүләр көтә. Аларның барысына да яңа спорт уңышлары телибез.