Хөкем карары урынына котлау тыңладылар (+ФОТО)

Бүген Биектау районы судының утырышлар залында Бөек Ватан сугышы ветераны Ханнанов Мәгъфүр Ханнан улын һәм районның суд системасы хезмәткәрләрен тантаналы рәвештә хөрмәтләү чарасы узды.

Тантаналы чара район Башлыгы Рөстәм Кәлимуллин һәм биектау район суды рәисе Айдар Галиәкбәров катнашында узды.

Рөстәм Кәлимуллин Мәгъфүр Ханнан улына ТР Президенты һәм район хакимияте бүләкләрен тапшырды һәм сугыш ветеранына сугышта күрсәткән батырылыклары һәм тыныч тормышта район үсешенә саллы өлеш керткәне өчен олы рәхмәтләрен белдерде.