ФЕРМЕРЛАРГА ЯРДӘМГӘ

Күптән түгел районда зур семинар уздырылды.
Аның эшендә ТР Авыл хуҗалыгы һәм азык-төлек министрлыгының әйдәп баручы советнигы Фәридә Гобәйдуллина, Санкт-Петербургтан килгән "Авыл хуҗалыгы үсешенең бердәм үзәге" авыл хуҗалыгы үсешенә ярдәм итү Фонды җитәкчесе Клим Галиуллин катнашты. Район семинары фермерларның эшлекле активлыгын арттыруга багышланды. Фонд хезмәткәрләре күп регионнарга баралар, авылда табышлы бизнесны җайга салу белән ничек кызыксынуларын эшләре белән күрсәтәләр. Фондның төп бурычы - фермерларның яңа эшли башлаганнарына да, тәҗрибә туплаганнарына да ярдәм итү.