Чернышевка авыл җирлегендә җиңгән грант акчасына трактор алганнар

2016 елның апрелендә ТР авыл җирлекләре арасында 2015 нче елгы эш нәтиҗәләре буенча уздырылган республикакүләм бәйгегә йомгак ясалган иде. Әлеге бәйге нәтиҗәсендә бәйгегә килгән 222 гаризадан 104енә 1 миллион сум акча күләмендә грант бирелде. Биектау районыннан Чернышевка авыл җирлеге дә әлеге бәйгедә катнашып җиңү яулаган иде.

Авыл җирлегендә грант акчасына трактор алырга дигән карар кабул ителгән. Һәм, ниһаять, кичә 29 декабрь җирлеккә МТЗ 82.1 тракторын да кайтарганнар.

Трактор авыл җирлегендәге юлларны тәртипкә тотуда, төрле өмәләрдә, күмәк эшләр эшләгәндә ярдәм итәчәк.