Бөтен көчне – “икенче икмәк”кә

Районда бәрәңге алу оешкан төстә дәвам итә.
"Каенлык" җаваплылыгы чикле ширкәтендә "икенче икмәк" быел 300 гектарда утыртылган. Җәй корылыклы булуга карамастан, хуҗалыкта мул уңышка исәп тоталар. Һәм тотрыксыз һава торышы мәҗбүр итә торган төп бурыч - бәрәңгене югалтуларсыз җыеп алу, җирдә озак яткырып черетмәү, моның өчен аяз көннең һәр сәгатеннән файдалану, җыелган бәрәңгене саклау урыннарына илтү өчен техниканы үз вакытында бирү. Хуҗалыкта бәрәңге башта ук әйбәт темпта алына башлады һәм хәзер бу культура 50 гектардан күбрәк мәйданнан җыеп алынган инде.