Бүләккә – автомобиль

Биектау районының өч авыл җирлеге Татарстан Президенты Рөстәм Миңнеханов исеменнән хезмәт урынында файдалану өчен "Шевроле-Нива" җиңел автомобильләренә лаек булды.

Муниципаль берәмлекләр арасында республика смотр-конкурсында җиңүчеләрне котлау тантанасы Яңа ел алдыннан ТР Дәүләт Советы каршындагы мәйданчыкта уздырылды.
Машиналар Село-Алат, Чернышевка һәм Семиозерка авыл җирлекләренә тапшырылды. Бу көнне республиканың муниципаль районнары 100 машинадан ачкычлар алдылар. Татарстан Республикасының Муниципаль берәмлекләр советы рәисе Минсәгыйть Шакиров хәбәр иткәнчә, бүгенге көндә ТРның муниципаль берәмлекләре арасында республика смотр-конкурсы нәтиҗәләре буенча барлыгы 1018 машина тапшырылды.