Биектау районында законсыз рәвештә наркотик матдәләр сатып алган һәм саклаган 33 яшьлек ир-ат суд каршына басачак

Биектау районы прокуратурасы 33 яшьлек Антон Скоковка карата гаепләү җәзасын раслады. Ул Җинаятьләр Кодексының 228 маддәсе 1 өлеше (наркотик матдәләрне зур күләмдә законсыз рәвештә сатып алу һәм сату максатыннан башка саклау) нигезендә гаепләнә.

Тикшерүчеләрнең сүзләренә караганда, 2016 елның 23 августында Скоков Казанның Годовиков урамында урнашкан «Юность» яшүсмерләр клубы янында шәхесе әлегә кадәр ачыкланмаган кешедән наркотик матдә - "метилэфедрон кушалган катнашма" сатып ала һәм шәхси кулланучы өчен үзендә саклый. Ләкин шул ук көнне Каменка бистәсе полиция хезмәткәрләре тарафыннан тоткарлана. Тикшерү вакытында наркотик табыла һәм әйләнештән алына.
Җинаять эше Биектау районы судына җибәрелгән.