Биектау районы укытучылары тест узды

Бүген Биектауның 3 нче номерлы мәктәбендә район мәктәпләренең 330 башлангыч сыйныф һәм фән укытучылары бердәм дәүләт имтиханының контроль-исәпләү материаллары буенча 13 фәннән диагностик тест узды.

Шунысын да әйтеп үтәргә кирәк, база мәктәпләренең башлангыч сыйныф укытучылары быел беренче тапкыр әлеге тестта катнашты.

Укытучылар әлеге тестны елга бер мәртәбә республика буенча бирәләр. Быел әлеге имтихан икенче мәртәбә уздырылды.

Имтихан нәтиҗәләре Республика белем бирү сыйфаты мониторингы үзәге тикшергәч, декабрь аенда билгеле булачак.