Бүген район башлыгы Чыршысы узды (ФОТО)

Бүген "Биектау" спорткомплексында 300 дән артык Биектау районы балаларын бергә җыйган традицион район башлыгы Чыршы бәйрәме узды.

Бәйрәмгә ел буенча район данын яклап төрле фән олимпиадаларында, спорт ярышларынлда катнашкан, үзләрен яхшы яктан гына күрсәткән балалар катнашты. Бәйрәм данлыклы "Щелкунчик" әсәре нигезендә эшләнгән иде.

Рөстәм Галиулла улы Кәлимуллин чыршы бәйрәменә килгән балаларны сәламләп, аларга район данын яклап чыгыш ясаулары, нәтиҗәле эшчәнлекләре өчен рәхмәт әйтте һәм киләсе елда да үзләрен бары тик яхшы яктан гына күрсәтүләренә ышаныч җиткерде.