Бердәм мәгълүмат системасына тоташабыз

Район эшмәкәрләренең Татарстан Республикасы Дәүләт алкоголь инспекциясенең Казан территориаль органы начальнигы Марина Егорова катнашындагы киңәшмәсендә сүз алкоголь продукциясен сатуга кагылышлы яңалыклар турында барды.

Шәһәрләрдә һәм авылларда җиһазларны кертү-урнаштыру сроклары күрсәтелде. 2016 елның 1 гыйнварыннан исерткеч эчемлекләр, сыра сату белән шөгыльләнүче барлык оешмалар һәм эшмәкәрләр сатып алуның барлык фактларын этил спирты, алкогольле һәм составында спирт булган продукцияне җитештерү һәм әйләнеш күләмнәрен исәпкә алуның ЕГАИС дип аталган бердәм мәгълүмат системасында теркәргә тиешләр. Программалар белән тәэмин итү, крипто-ачкыч алу һәм урнаштыру өчен җаваплылык һәм башка зарури таләпләр турындагы сорауларга Марина Егорова һәм район башкарма комитеты җитәкчесе Алмаз Гәрәев җавап бирде.