Алия Гатауллина - "Биектау FM" йолдызы

Һәр атнаны дүшәмбедән шимбәгә кадәр 12.45 сәгатьтә 100,2 fm ешлыгында "Биектау FM" радиосында медиахолдингыбызның "Вконтакте"дагы рәсми төркемендәге дусларыбыз турында сөйли торган тапшыру эфирга чыга. Бүгенге йолдызыбыз - Алия Гатауллина.

6 майда дөньяга килгәннәрдә башкаларга карата кайгыртучанлык, игътибарлылык сыйфатлары бар. Әлеге кешеләрне иң югары мәгънәдә укытучылар дип атап була. Укытучылар, киңәшчеләр, кайгыртучан әти-әниләр. Үзләренең канаты астындагыларны, төрле кыенлыкларны җиңеп, алар матур киләчәккә алып баралар.

Алия күп энергияле, кызыклы кеше. Һәрвакытта да әллә никадәр эш белән мәшгуль. Дуслары, якыннары кампаниясендәял итәргә, очрашырга, театрларга йөрергә ярата. Җәй көннәрендә урманга йөреп, кәрҗин тулы җиләкләр җыя. Ул - бик җаваплы һәм тәҗриҗбәле машина йөртүче. Шулай ук ашарга пешерергә, кулинария журналлары һәм социаль челтәрләрдән яңа төр пирог, салат, аш һ.б. рецептлар өйрәнергә ошый.

Алиягә киләчәктә дә уңышлар телибез!

P.S. тапшыруның тулы аудиоязмасы "Вконтакте"дагы рәсми төркемебездә урнаштырылган.

P.P.S. Игътибар! Әлеге тапшыру өчен барлык мәгълүмат та тапшыру героеның "Вконтакте"дагы рәсми битеннән алына. Шунлыктан чынбарлыктан аерым урыннар да булырга мөмкин.