31 август- Ветеринария хезмәткәрләре көне

Хөрмәтле ветеринария хезмәткәрләре, тармак ветераннары!
Ветеринария хезмәткәрләренең эше катлаулы, тынгысыз һәм аны беркайчан да гадәти эш көне кысаларына гына сыйдырып булмый. Алар җәмәгать секторында да, шәхси ярдәмче хуҗалыкларда да шактый күләмле эш башкара. Мал табиблары белемнәрен дә, сәләтләрен дә, тырышлыкларын да терлекләр сәламәтлеген саклауга багышлый, халыкны сыйфатлы азык-төлек продуктлары белән тәэмин итүгә лаеклы өлеш кертә, ветеринариянең күптәннән килгән традицияләрен саклый һәм үстерә.

Барлык хезмәткәрләрне, хезмәт ветераннарын һөнәри бәйрәмегез белән тәбрик итәбез. Һәрберегезгә дә яңадан-яңа хезмәт үрләре, гаилә бәхете, сәламәтлек, иминлек телибез.