Танылган сыер савучы

Гөлсахра Нургалиева фермага Ямаширмә урта мәктәбен тәмамлаганнан соң килә.

Гомеренең 36 елын ул сыер савучы һөнәренә багышлый. Ул һәрвакыт үзенә йөкләнгән бурычларны намуслы башкаруы белән башкалардан аерылып тора. Нәтиҗәле хезмәте өчен төрле елларда III нче дәрәҗә «Дан» ордены, «Хезмәт батырлыгы өчен», «Казанның 1000 еллыгы истәлегенә" медальләре белән бүләкләнә. Хәзерге вакытта ул Ф.Шаһимәрдәновның гаилә фермасында эшли. Аңа 35 баш терлек беркетелгән, бу - сыерлар, бозаулар, атлар.

Гөлсахра - күп балалы ана, ул биш бала тәрбияләп үстергән. Рәсемдә: Г. Нургалиева Ямаширмәдә Авыл көнендә катнашучылар белән очрашуда.