Яшь батырлар үсә

Милли көрәш буенча "Сабантуй" газетасы призына ел да оештырыла торган турнир "Биектау" спорт комплексында узды.

Бирегә көч сынашырга командалар республиканың 40 районыннан килде. Ярыш барышыннан күренгәнчә, яшь көрәшчеләрнең осталыгы елдан-ел арта бара һәм алар югары күр-сәткечләргә ирешәләр. Киеренке гадел көрәштә беренче урынны Мамадыш районының яшь көрәшчеләре яулады, икенче урында - Түбән Кама үсмерләре, өченче урында - Балтач районы.

Безнең көрәшчеләр - Айбаш авылыннан Илнур Шәяхмәтов үз үлчәү категориясендә икенче урынны алды, Ямаширмәдән Динар Акберов - дүртенче урында. Ни кызганыч, безнең көрәшчеләрнең гомумкоманда урыны нибары беренче унлыкта гына.