Биектауда “Татарстан кроссы – 2018” узачак

Әлеге чарада мәктәп укучылары белән беррәттән, теләге булган һәркем катнаша ала. “Татарстан кроссы – 2018” районда спорт чараларына карата кызыксындыруны арттыруга, сәламәт яшәү рәвешенә өндәүгә, биектаулыларны физик культура һәм спорт белән шөгыльләнергә чакыруга юнәлдерелгән. Хөкемдарлар иң яхшы спортчыларны һәм командаларны ачыклаячак. Ярышлар 15 сентябрьдә Биектауның “Казан арты” (“Заказанье”) паркында узачак. Чара иртәнге сәгать тугызда башлана.