Яшьлек хатирәләрен яңартып

Картлык - кеше тормышының иң мөһим чоры. Аның нинди булачагы кешенең үзеннән һәм аның әйләнә-тирәсендәгеләрдән тора. Аларның бурычы - кешегә үзен башкалар арасында лаеклы хис итү мөмкинлеге тудыру, ялгызлыкны сиздермәү, аның күңелендә кирәксезлек хисе барлыкка китермәү.

Парклар һәм скверлар елына, шулай ук Өлкәннәр көненә багышланган чараларны тормышка ашыру барышында өйләргә барып социаль хезмәт күрсәтү бүлеге хезмәткәрләре Биектау станциясендәге парк-та, "хатирәләрне яңарту" технологиясен кулланып, "Хатирәләр көне - минем яшьлегем" темасына өлкәннәрне очрашуга җыйдылар. Үзләренең фотокарточкаларын карагач, өлкәннәр күңелендә кайчандыр булган күңелле вакыйга-истәлекләр яңарды.