Биектау районы Юртыш авылы мәчете янәшәсендә төзелүче мәдрәсә инде өлгерү алдында

-Авылыбызга мәдрәсә бик кирәк.Дин бит һәркемне бары тик игелеккә, тәртипкә, чисталыкка, кешеләргә мәрхәмәтле булырга өйрәтә. Бүгенге көндә мәчетебездә утыздан артык бала белем ала. Әмма мәчеттә уку өчен шартлар җитәрлек түгел, шуңа мәдрәсәнең өлгерүен түземсезлек белән көтәбез”,-ди Юртыш авылы имам-хатыйбы Рушан хәзрәт Зәбиров.
Күргәнебезчә,  хәзерге вакытта  биредә иң зур, иң авыр һәм төп эшләр инде башкарыла. Бу олы хезмәтне ахырына җиткерү өчен өстәмә ярдәм кирәк. Тамчыдан күл җыела, ди халкыбыз.
Мәдрәсә төзелешендә катнашырга теләүчеләр  ярдәм итү буенча 89178892996 (имам-хатыйб) телефон номерына мөрәҗәгать итә ала. 
Игелекле эштә бердәм булып, мәдрәсәне бергә торгызырга насыйп булсын иде.