Белгород балалары

Искәртеп үтәбез, бүгенге көндә лагерьда 300дән артык бала ял итә. Район башлыгы балаларның яшәү шартлары, туклану, уку һәм ял итү режимы белән танышты.
Балаларга ял итү һәм уку өчен барлык мөмкинлекләр дә  тудырылган. Уку әсбаплары, канцелярия товарлары белән тәэмин итү югары дәрәҗәдә куелган.

Киләчәктә балалар өчен Биектау районының һәм республиканың истәлекле урыннарына экскурсияләр оештырылачак. Равил Хисаметдинов туганнарыннан,  өйләреннән еракта булган балалар туган җирләрен юксынмасын өчен аларның ялын булдыра алган кадәр кызыклы, файдалы, мавыктыргыч итәргә кирәклегенә басым ясады.