Элеккеге классташлар бергә тавыш бирергә килгән (ФОТО)

Бүген Алан-Бәксәр авыл җирлегендәге 1290 номерлы сайлау участогында кызыклы вакыйга була. Алан-Бәксәр мәктәбен тәмамлап чыгып киткән укучылар бергә җыелып тавыш бирергә дип киләләр. Барлыгы алты кеше. "Яшьләр сайлауларда беренче тапкыр катнаштылар. Ләкин шуңа да карамастан каушамадылар да, югалып та калмадылар. Ничек тавыш бирәсен дә, нәрсә эшләргә кирәк икәнен дә яхшы беләләр",-дип фикерләре белән уртаклашты Алан-Бәксәр авыл җирлеге башлыгы Зөһрә Гарифуллина.
Шул ук авыл җирлегендә тагын бер игътибарга лаек вакыйга була. "Әсән" хуҗалыгы эшчеләре кырдан җыелышып сайлауларда тавыш бирергә дип киләләр. "Кайберләре тракторлары белән үк килгән иде әле",-дип көлә авыл җирлеге башлыгы.